मत कर रे भाया गरव गुमान गुलाबी रंग उड़ी जावेलो ।
मत कर रे भाया गरव गुमान जवानीरो रंग उड़ी जावेलो ।
उड़ी जावेलो रे फीको पड़ी जावेलो रे काले मर जावेलो,
पाछो नहीं आवेलो… मत कर रे गरव …
जोर रे जवानी थारी फिर को नी रे वेला…
इणने जातां नहीं लागे वार गुलाबी रंग उड़ी जावेलो॥
पतंगी रंग उड़ी जावेलो… मत कर रे गरव ॥
धन रे दौलत थारा माल खजाना रे…
छोड़ी जावेलो रे पलमां उड़ी जावेलो॥
पाछो नहीं आवेलो… मत कर रे गरव ।
कंई रे लायो ने कंई ले जावेलो भाया…
कंई कोनी हाले थारे साथ गुलाबी रंग उड़ी जावेलो॥
पतंगी रंग उड़ी जावेलो… मत कर रे गरव ॥
No comments:
Post a Comment
Note: only a member of this blog may post a comment.